Gjermania ka shpallur ditën e sotme listën e Botërorit të Katarit, e cila do të zhvillohet nga 20 nëntori deri më 18 dhjetor.
Trajneri Hansi Flik ka bërë publike listën e 26 futbollistëve, ku në sy bien mungesat e yjeve të ekipit si: Robin Gosens i Interit, Mats Humels dhe Marko Rojs të Borusias së Dortmundit.
Në kombëtaren e “pancerave” rikthehet heroi i finales së Brazilit në vitin 2014, Mario Gëtze, ku goli i tij ndaj Argjentinës, i dha Kupën e Botës përfaqësueses gjermane.
Për Rojs shtë hera e dytë që një dëmtim e pengon të marrë pjesë në një kompeticion të Kupën e Botës.
Rojs ka munguar edhe në Kampionatet Europiane të vitit 2016 dhe 2020, duke konfirmuar tersin me dëmtimet që ka pësuar gjatë karrierës së tij.
