Ka përfunduar takimi i kryeministrit të Kosovës Albin Kurti dhe liderëve të partive opozitare të Kosovës.
Memli Krasniqi, kreu i Partisë Demokratike të Kosovës tha se nga ky takim doli me një pasiguri për qeverinë dhe kryeministrin Kurti.
“Fatkeqësisht nuk kemi përgjigje. Këto kanë qenë disa nga konsideratat që dje më kanë shtyrë që edhe ti drejtohem kryeministrit e tja shpreh gadishmërinë për komunikim të hapur e të vazhdueshëm për tu takuar dhe diskutuar, për të parë mundësitë për ti ndihmuar.
Unë sot dal nga ky takim jo shumë i sigurt që kryeministri dhe qeveria e dinë se në çfarë rruge kanë hyrë e ku duan të dalin suksesshëm prej kësaj rruge duke e ruajtur tërësinë e Kosovës dhe funskionimin e shtetit ashtu siç e kemi pasur,” tha ai.
Ndërkohë, Haradinaj tha se u detyrua të braktiste takimin, pasi sipas tij, Kurti mbante ligjërim dhe nuk dha sqarim për mos pranimin e kërkesës së bërë nga SHBA-të për targat.
