Nëntë federata evropiane të futbollit i janë drejtuar FIFA-s me një letër të dielën e kaluar për t’iu përgjigjur fjalëve të Infantinos, i cili pak ditë më parë u kërkoi të gjithëve vendeve pjesëmarrëse “të fokusohen në futboll” në vend që “të japin mësime morale për pjesën tjetër të botës”.
Siç raporton gazeta zviceriane “Le Temps”, nënshkruesit janë Gjermania, Anglia, Belgjika, Danimarka, Holanda, Uellsi, Portugalia si dhe Norvegjia me Suedinë, megjithëse këto të fundit nuk janë kualifikuar për Kupën e Botës.
Në letër ata thonë se duan të mbrojnë të drejtat e njëriut, të mbështesin puntorët migrant dhe duan të bëjnë presion mbi organin që drejton futbollin botëror për të respektuar premtimet e tij.
