Një shtetas shqiptar ka rënë në prangat e policisë në Spanjë, pasi po tentonte të kalonte në kufirin drejt Francës një ngarkesë prej 23 kilogramë kanabis.
Sipas mediave spanjolle shqiptari është arrestuar më 4 nëntor, pasi ishte ndaluar gjatë një kontrolli rutinë kundër narkotikëve nga ana e policisë spanjolle teksa drejtonte automjetin e tij me targa franceze.
Gjatë kontrollit të ushtruar në automjet, u konstatua se në bagazh ishin fshehur 23 kilogramë marijuanë, ndërsa si pasojë u arrestua 37-vjeçari, i cili ishte banues në shtetin francez.
