Mediat greke kanë zbuluar detaje të reja për tentativën e dështuar të përdhunimit të një vajze greke nga një 28-vjeçar shqiptar.
I riu shqiptar akuzohet se ka tentuar që të përdhunojë një 20-vjeçaren në zonën e Nicës, pas orës 01:00 të mëngjesit të së dielës. Ai është identifikuar si shtetasi shqiptar me inicialet S.K..
Raportohet se 28-vjeçari i është afruar vajzës teksa ajo ndodhej në rrugën Mystra, me qëllimin, siç pretendonte ajo, ta përdhunonte.
Viktima ka gjetur guximin dhe ka rezistuar, por agresori i dyshuar nuk është ndalur me kaq dhe e ka goditur me grusht, ndaj për pasojë vajza ka përfunduar me trauma në spital.
Sipas mediave helene 28-vjeçari sapo kishte dalë nga burgu pasi akuzohej për të njëjtën vepër penale.
Menjëherë është njoftuar Policia, e cila ka lokalizuar 28-vjeçarin dhe e ka arrestuar për tentativë përdhunim dhe lëndim trupor, ndërsa hetimet paraprake janë ndërmarrë nga Seksioni i Sigurimit të Nicës.
