Një 20-vjeçar shqiptar ka rënë në prangat e policisë britanike në Oksford, pas një aksioni për çmontimin e një ferme ku kultivohej kanabis.
Mediat lokale raportojnë se Klajdi Vraja u arrestua më 7 tetor dhe në dëshminë e tij ka pranuar se në shtëpi prodhonte drogë të klasit B.
Banesa ku Vraja ishte punësuar si “kopshtar” ndodhej në Lupton Road të Thames dhe brenda saj u gjetën rreth 800 bimë me vlerë rreth 1.6 milionë paund.
Vraja të premten në mëngjes doli në Gjykatën e Lartë të Oksfordit, ku foli vetëm për të konfirmuar emrin e tij, ndërsa nuk pranoi akuzat.
Gjyqtarja Maria Lamb e la atë në paraburgim për t’u rikthyer në gjyq në dhjetor, kur parashikohet se ai mund të dënohet.
