Policia e Shtetit ka arrestuar një të ri në Përmet i cili akuzohet për veprën penale “dhunë në familje”.
Uniformat blu bëjnë me dije se në pranga ka rënë 35-vjeçari me iniciale E.N, banues në këlcyrë pasi akuzohet se ka ushtruar dhunë fizike dhe psikologjike ndaj nënës së tij.
“Specialistët e Seksionit për Hetimin e Krimeve në Komisariatin e Policisë Përmet bënë ndalimin e shtetasit E. N., 35 vjeç, banues në Këlcyrë. Ndalimi i këtij shtetasi u bë pasi ka bërë kallëzim nëna e tij, shtetasja V. N., 67 vjeçe, banuese në Këlcyrë, se 35-vjeçari ka ushtruar dhunë fizike dhe psikologjike ndaj saj”, njofton policia.
Materialet në ngarkim të shtetasit E. N. i kaluan Prokurorisë pranë Gjykatës së Rrethit Gjyqësor Përmet, për veprime të mëtejshme.
