Ka nisur këtë të Martë seanca gjyqësore ndaj bosit të kriptomonedhave Faruk Ozer.
Pas përfundimit të seancës, pritet që të jepet masa e sigurisë për turkun që mashtroi disa persona.
Kujtojmë se Ozer është personazhi kryesor në dosjen e Prokurorisë së Stambollit për 21 të pandehur në lidhje me skemën gjigande të mashtrimit përmes kriptovalutave, Thodex, pasi akuzohet se ka fituar 2 miliardë dollarë nga kjo skemë.
Në rolin e CEO-s së kësaj platforme, Faruk Fatih Ozer akuzohet se ka mashtruar rreth 400 mijë njerëz. Ndërsa në burg aktualisht ndodhen edhe vëllai dhe motra e Faruk Ozer.
Prokuroria e Stambollit lidhur me këtë çështje ka kërkuar dënimin me burg në total të të pandehurve nga 12.164 vite burg deri në 40.562 vite burg.
Kujtojmë që seancat e mëparshme janë shtyrë dhe shkak është bërë mungesa e avokatit mbrojtës.
