Me makinën e mbushur me 46 kg kanabis një çift shqiptarësh kanë tentuar që të kalojnë për në Greqi.
Mësohet se shqiptarët 22 dhe 27 vjeç janë ndaluar nga Policia Kufitare e Kosturit dhe janë vënë në pranga pasi u zbulua lënda narkotike.
Fillimisht policia i bëri shenjë të rinjve të ndalonin automjetin, por shoferi shqiptar rriti shpejtësinë duke tentuar t’i shmangë.
Arratia e tyre ka zgjatur vetëm pak. Pas kontrollit në makinë, policia gjeti disa çanta ku ishin vendosur qeset me kanabis.
Në cilësinë e provës materiale u sekuestruan dhe një shumë parash cash si dhe 4 celularë. Sipas mediave greke, shqiptarët do e transportonin lëndën narkotike drejt Athinës.
