Policët e Shtetit të përfshirë në aktivitetet kriminale vijon të mbetet një çështje problematike në vendin tonë.
Agjencia e Mbikëqyrjes Policore (AMP) raporton së fundmi se kemi të bëjmë me një mesatare prej 3 efektivësh të arrestuar çdo muaj gjatë këtij viti. AMP tregon se në 9 muaj janë prangosur 27 efektivë të reparteve të ndryshme dhe akuzohen më së shumti për veprime arbitrare, korrupsion e deri tek bashkëpunëtorë me kontigjentë të krimit.
Në 9 muajt e parë të vitit 2022, 27 efektive janë arrestuar nga kolegët e tyre të agjencisë së mbikëqyrjes policore pasi u gjeten në shkelje.
Por në këtë periudhe agjencia ka referuar në prokurori rreth 260 policë. Krahasuar me një vit më pare, vihet re një rritje të numrit të policëve që bashkëpunojnë me krimin.
Për rastet në fjale, gjykata e ka parë të arsyeshme që 32 punonjës të lihen në burg, 21 të tjerë të ndëshkohen me një masë më lehtësuese atë të arrestit shtëpiak, e ndërsa 36 të tjerë kanë marrë vetëm pezullim të menjëhershëm nga detyra.
Sipas referimeve këto punonjës më së shumti përfshinë në veprime arbitrare, sjellja ne kontakt me qytetarin apo edhe korrupsioni.
Por rastet e fundit kanë treguar se këto punonjës edhe pse të veshur me uniformën e shtetit, merreshin me trafik të lëndëve narkotike, por edhe tregtim të armë dhe municionit.
Po ashtu më flagrant ishte rasti i Jeton Lamit i cili në rolin e efektivit të operacionales ndihmonte një shumë të kërkuar duke e lëvizur me makinë apo duke i dhënë informacione.
Nga fillimi i janarit e deri në fund të shtatorit në AMP llogaritën 1246 ankesa nga qytetaret.
Më shumë ankesa ka për policinë rrugore, rendin si dhe forcat e tjera të policisë./OraNews
