Prej nisjes së agresionit ushtarak mbi Ukraainën dhjetëra teori janë përhapur në rrjet për shëndetin, mënyrën e jetesës, komplotet ndaj tij, por edhe për faktin se Presidenti rus Vladimir Putin mund të përdor një ose më shumë sozi.
Dyshimet janë hedhur sërish sot nga kreu i shërbimeve të sigurisë ukrainase, Kirill Budanov, i cili pohoi se presidenti rus Vladimir Putin përdor të paktën tre truproja që i janë nënshtruar operacioneve plastike për t’u dukur si ai.
Sipas gjenerallejtënantit, sozitë po përdoren për të mbuluar humbjen e kontrollit të Putinit mbi Kremlinin.
Siç ai argumenton në një intervistë me Daily Mail, qeveria e Ukrainës është e hutuar nga strategjia katastrofike e Rusisë në pushtimin ukrainas, duke çuar në pyetje nëse Putini ende merr vendimet kryesore.
Në fakt, siç tha ai, pavarësisht “sa i keq ishte Putini në të kaluarën, ai nuk është një idiot“. Megjithatë, lufta në Ukrainë “nuk ndjek asnjë logjikë“.
“Pyetja e madhe është nëse Putini i vërtetë ekziston ende“, thotë Budanov.
Sipas zyrtarit të lartë ukrainas, në të kaluarën ka pasur edhe aleatë të Putinit, të cilët e kanë mbështetur atë në “rrethana të veçanta”.
“Ne njohim konkretisht tre persona që vazhdojnë të shfaqen, por sa janë ata, nuk e dimë. Të gjithë bënë operacione plastike për t’u dukur si ai”, shton ai më tej.
Sipas Budanovit, ajo që tradhton është lartësiam një faktor që është i dukshëm në video dhe foto.
“Po ashtu gjestet, gjuha e trupit dhe veshët, pasi ato janë unike për çdo person”, nënvizon ai.
Megjithatë, zyrtari nuk pranoi të komentojë nëse presidenti rus u zhduk pas një sëmundjeje apo një lufte për pushtet. Siç pretendon ai, Kremlini ka mbetur pa raketa dhe beson se nëse Ukraina rimerr Khersonin, pasojat për regjimin rus mund të jenë dramatike.
Ai pretendon se “ndryshimi është i pashmangshëm” në Moskë dhe beson se një rend i ri politik në Rusi do të jetë në interes të vendeve të qytetëruara.
Megjithatë, siç pranon ai, udhëheqësit ukrainas do të kenë diskutime nëse do të shtyjnë forcat e tyre mbi kufirin rus.
“Vendimi do të merret nga kreu i shtetit kur të marrim të gjithë tokën tonë“, deklaron Budanov.
Budanov është një ish-agjent i forcave speciale, i cili u emërua shef i inteligjencës ushtarake dy vjet më parë në moshën 34-vjeçare dhe më pas u gradua përpara luftës për të mbikëqyrur të gjitha shërbimet e sigurisë.
“Unë jam armiku publik nr. 1 i Rusisë“, thekson ai.
