Pesëdhjetë e nëntë persona kanë vdekur në një përplasje mes turmave të mëdha që festonin Halloween në një zonë të njohur për jetën e natës në kryeqytetin Seoul të Koresë së Jugut.
Fillimisht lajmi u përhap se rreth 100 persona kishin pësuar arrest kardiak, por zyrtarët kanë konfirmuar numrin e viktimave.
Agjencia e lajmeve Yonhap citoi shërbimet e urgjencës duke thënë se 150 të tjerë kanë mbetur të plagosur gjatë festimeve në lagjen Itaewon.
BREAKING: Multiple victims after Stampede during Halloween event in Seoul, Reports of at least 50 people in cardiac arrest pic.twitter.com/HCc5luGUnp
— Insider Paper (@TheInsiderPaper) October 29, 2022
Videot nga vendi i ngjarjes tregojnë çanta trupash në rrugë, punonjës të urgjencës që kryejnë CPR dhe shpëtimtarë që përpiqen të tërheqin njerëzit e bllokuar nën të tjerët në turmë.
Ndërkohë, Presidenti i Koresë së Jugut, Yoon Suk-yeol ka thirrur një takim urgjent.
Raportohet se kishte rreth 100 mijë persona që po argëtoheshin në zonë gjatë festimeve për Halloëen. Postimet në rrjetet sociale të publikuara më herët tregojnë disa njerëz që vërejnë se zona e Itaeëon ishte aq shumë e populluar sa ndiheshin të pasigurt edhe kur merrnin frymë.
Hosu Lee i BBC-së, i cili vizitoi vendin e ngjarjes, tha: “Shumë të rinj janë mbledhur këtu sonte. Shumë njerëz erdhën në festë dhe klube, të veshur me kostume dhe shumë njerëz që kam parë të shqetësuar dhe të trishtuar nga skena kaotike”.
Fotot dhe videot tregojnë dhjetëra pjesëtarë të Emergjencave Civile që kujdese për njerëzit e pavetëdijshëm në rrugë, ndërsa shumë të tjerë kryejnë CPR te njerëzit që kanë humbur frymëmarrjen.
Në një tjetër foto mjekët përpiqen të tërheqin njerëzit nga ajo që duket të jetë një grumbull trupash. Aty shihen të paktën 25 trupa në tokë, të mbuluar me batanije termike të verdha dhe blu.
Sipas zyrtarëve dyshohet se njerëzit u shtypën për vdekje pasi një turmë e madhe filloi të shtynte përpara në një rrugicë të ngushtë pranë Hotel Hamilton.
Agjencia Kombëtare e Zjarrfikësve tha veçmas në një deklaratë se zyrtarët ende po përpiqeshin të përcaktonin numrin e saktë të pacientëve në urgjencë.
Më shumë se 400 punonjës të urgjencës nga e gjithë Koreja e Jugut janë vendosur në zonë, duke përfshirë çdo punonjës të disponueshëm në vetë kryeqytetin. Këtu përfshihen 140 ambulanca që kanë nxituar për të trajtuar njerëzit në vendngjarje.
Disa raporte të mediave lokale më herët thanë se përplasja ndodhi pasi një numër i madh njerëzish nxituan në një bar Itaeëon pasi dëgjuan një personazh të paidentifikuar po ndalonte atje.
Videot në internet duket se tregojnë njerëzit duke u ngjitur në barierrat e rrugës për t’i shpëtuar shtypjes.
