Një 23-vjeçar është vënë në pranga nga policia në Pogradec, pasi akuzohet se ka kryer marrëdhënie më një vazjë të mitur.
Sipas Bluve të qytetit ngjarja ka ndodhur të premten, kur vajza e mitur ka pretenduar se ka pranuar me dëshirën e saj të kryejë marrëdhënie me të riun.
Mësohet se e mitura dhe 23-vjeçari prej disa ditësh kishin nisur njohjen në rrjetet sociale, me këtë të fundit që pretendon se ajo nuk i ka treguar moshën e vërtetë.
Pasi kanë folur në rrjetet sociale, ditën e djeshme, vajza dhe djali janë takuar dhe kanë kryer marrëdhënie seksuale, teksa janë gjetur së bashku në një automjet jashtë qytetit të Pogradecit.
Ka qenë familja e vajzës së mitur, e cila ka bërë denoncim në polici, pasi ajo nuk ishte kthyer në banesë për disa orë.
Pasi është marrë në pyetje vajza ka treguar ngjarjen, duke pretenduar se me djalin, të cilin e kishte njohur në rrjetet sociale, ka shkuar me dëshirën e saj.
Por pavarësisht dëshmisë së vajzës, kryerja e marrëdhënieve seksuale me persona nën 18-vjeç përbën element të veprës penale.
