De Ligt, është zgjedhur lojtari i ndeshjes Barcelona-Bajern Mynih, e vlefshme për xhiron e 5-të në fazën e grupeve të Champions-it.
“Tulipani” ka treguar se si arriti ta ndalë bomberin e katalanasve, Robert Levandovskin.
“Ndaj ‘Blaugranave’ kemi zhvilluar paraqitje dinjitoze si grup. Jam shumë i kënaqur nga ajo çka dhashë në fushë, sidomos në detyrën time, izolimin e Robertit. Polaku dihet për rrezikshmërinë që shkakton ndaj çdo mbrojtësi, por arrita ta ndal vetëm me anë të forcës, pasi ndryshe është e pamundur t’i bësh ballë. E rëndësishme pas të gjithave është sigurimi i vendit të parë në grup dhe triumfi ndaj një ekipi jo të lehtë që kanë përbërje lojtarë të klasit botëror. Golat u finalizuan vetëm nga ana jonë, pra reparti i mbrojtjes iu përgjigj atij të sulmit në kryerjen e detyrave me përpikmëri. Tashmë të ruajmë këtë formë të mirë edhe në vazhdim, pasi fryma pozitive duhet tëjetë mbizotëruesi dhe çelësi i suksesit në çdo takim”, pohoi De Light në “Spotify Camp Nou”.
