Ballkani do kërkojë një rezultat pozitiv ndaj Slavias së Pragës në shtëpi, në ndeshjen e vlefshme për xhiron e pestë të Conference League. Ekipi i Ilir Dajës është ende në garë për kualifikimin, në një grup mjaft të vështirë.
Pjesa e parë është mbyllur në barazim pa gola, ndërsa skuadra e Dajës shpërdoroi një mundësi të artë për të kaluar në avantazh pak sekonda përpara se arbitri t’i drejtonte skuadrat për në dhomat e zhveshjes.
Pas një kundërsulmi të frikshëm, Krasniqi futet brenda zonës, provon me një gjuajtje, por topi shkon ngjitur me shtyllën.
