Një granatë dore raportohet se është gjetur në rrënojat e një pallati të dëmtuar nga tërmeti në Krujë.
“Në Krujë, në rrënojat e një pallati të dëmtuar nga tërmeti u gjet dhe u sekuestrua një granatë dore. Vijojnë veprimet për identifikimin e shtetasit/ve që e posedonin granatën dhe për zbardhjen e rrethanave të këtij rasti”, njoftoi policia këtë të Mërkurë.
Materialet procedurale i kaluan Prokurorisë, për veprime të mëtejshme, shtuan të njëjtat burime.
