Një spirancë e një anijeje të tonazhit të rëndë është gjetur në shtratin e lumit Mat, në Skuraj të Kurbinit.
Spiranca raportohet se është vënë re nga një i ri në muajin gusht teksa po lahej në lumë me miqtë e tij.
Sipas Ded Margjonit, specialist i trashëgimisë kulturore, e veçanta e kësaj spirance është zinxhiri i saj rreth 6.6 m i gjatë, që tregon së është përdorur nga anije e tonazhit të rëndë. Zinxhirët janë të ngjitur me nxehje dhe ky zbulim konsiderohet i rëndësishëm.
Kjo spirancë tha specialisti i Trashëgimisë Kulturore në Lezhë Ded Margjoni për gazetarët, mendohet se i përket shekullit të 5-6 në periudhën kur lumi Mat ishte i lundrueshëm.
