Presidenti amerikan Joe Biden duket se nuk ka ndërmend t’i ndalë gafat që i ka përsëritur në mënyrë të shpeshtë në publik, teksa këtë herë ka rrëmbyer vëmendjen me shqiptimin që i bëri emrit të kryeministrit të ri britanik, Rishi Sunak.
Teksa përshëndeste zgjedhjen e kryeministrit të parë jo të bardhë të Britanisë në festën indiane të Diëali në Shtëpinë e Bardhë, si një “pik novatore” pasi Rishi Sunak është gjithashtu me origjinë indiane, Biden nuk arriti të shqiptojë drejt emrin e tij.
Ai bëri disa përpjekje të dështuara përpara se ta quante përfundimisht “Rashee Sanook”.
“Ne kemi lajmin se [Rishi Sunak] është tani kryeministër”, tha Biden. “Një moment historik novator, dhe me rëndësi”, shtoi ai.
Sekretarja e shtypit e Shtëpisë së Bardhë, Karine Jean-Pierre tha se Biden do të telefononte Sunak në ditët në vijim.
