Gara për kryeministrin e ri të Britanisë së madhe po bëhet gjithmonë e më interesante pas dorëheqjes surprizë të Liz Truss pas vetëm 44 ditëve në krye të shtetit.
Ajo çka po i rrit adrenalinë konkurencës në Partinë Konservatore është rikthimi i Boris Johnson për të bërë rolin e protagonistit, duke dashur të marrë sërish mandatin që populli ia besoi atij në zgjedhje.
Madje Johnson ka braktisur pushimet në karaibe për t’u rikthyer më urgjencë në Londër, nga ku kuotohet si i dyti më i preferuar në radhët e partisë për të zëvendësuar Truss, pas ish-mikut të tij Rishi Sunak.
Ai po shijonte pushimet në Republikën Domenikane, por siç raportojnë mediat vendase Johnson udhëtoi me “economy class” bashkë me gruan dhe fëmijën për në kryeqytetin anglez.
Johnson dhe familja e tij hipën në aeroplan para të gjithë të tjerëve, dhe sipas korrespondentit amerikan Mark Stone, reagimet ishin të ndryshme.
Ai raporton se disa pasagjerë dukeshin “pak të hutuar” dhe kishte disa ngacmime.
“Z. Johnson është ulur në economy class, mjaft afër pjesës së pasme të avionit, me gruan dhe fëmijët e tij. Ka veshur kostum dhe duket i zhytur në mendime, por pak çaste më parë një nga fëmijët e tij po i ngjitej sipër, një familje që po kthehej nga pushimet e tyre”, shkruan ai.
Është ende e paqartë nëse Johnson e ndërpreu udhëtimin për të zënë sërish vendin në krye të ekzekutivitm por rrethanat janë të tilla që aim und të marrë sërish në dorë “frerët” e Britanisë.
