Ambasadorja e Shteteve të Bashkuara të Amerikës, Yuri Kim ka mbërritur mëngjesin e kësaj të Premte, në Gjykatën e Posaçme Kundër Korrupsionit dhe Krimit të Organizuar.
Kjo vizitë ka qenë në kuadër të takimeve që po zhvillon ambasadorja e SHBA me strukturat e reja në Drejtësi.
Mësohet se Kim do të takohet me drejtues dhe gjyqtarë të Apelit të Posaçëm ku e pranishme është edhe kryetarja e Këshillit të Lartë Gjyqësor, Naureda Llagami.
Ky është takimi i dytë që Kim zhvillon në ambientet e GJKKOS, pasi dy ditë më para zhvilloi një takim me Irena Gjoka dhe gjyqtarë të tjerë të Shkallës së Parë.
Pas takimit ambasadorja i përgëzoi gjyqtarët për punën e palodhur dhe përkushtimin e tyre sidomos për faktin që Gjykata nuk është plotësuar ende me 16 gjyqtarët e nevojshëm dhe ka një numër gjithnjë e më në rritje të çështjeve.
