Trofeu “Kopa” i cili i jepet lojtarit më të mirë të ri të vitit, ju dha talentit të Barcelonës, Gavi. Kjo gjë nuk kaloi pa polemika, me shumë analistë që u shprehën se e meritonte talenti i Dortmund, Jud Belingham.
I këtij mendimi ishte edhe trajneri i Bajernit të Mynihut, Julian Nagelsman, i cili e quajti të pamerituar për spanjollin.
“Në mendimin tim e meritonin Musiala ose Belingham, të cilët kanë pasur një sezon shumë më të mirë se ai që e fitoi. Nuk dua të krijoj polemika, po për mua dy ata që përmenda qëndrojnë shumë më lartë se Gavi”, ishin fjalët e teknikut gjerman.
