Futbollisti i Ajax, Dusan Tadic u sulmua fizikisht në orët e natës mes datës 27 dhe 28 korrik. Në përpjekje për t’i larguar keqbërësit, serbi u përlesh fizikisht me ta ku mori dëmtime në dorë ndërsa më pas u largua me vrap në drejtim të një hoteli nga i cili lajmëroi policinë.
Së fundmi, dy kriminelët janë arrestuar nga polica e cila saktëson se ata nuk mundën të grabisnin asgjë ndërsa autoritetet sqarojnë se fillimisht ata kishin studiuar terrenin dhe se kishin tentuar të mësonin më shumë për shtëpinë e Tadic duke u sjellë si shpërndarës picash.
Megjithatë, bashkëshortja e Tadic kishte dyshuar dhe nuk ua kishte hapur derën, një veprim që në fund rezultoi i duhuri. Tashmë, historia përfundoi dhe Tadic mund të qëndrojë i qetë së bashku me familjen e tij pasi kriminelat janë të ndaluar.
