Shpëtim Duro, është trajneri më i ri i skuadrës së Egnatias. Tekniku kryeqytetas zëvëndësoi Edlir Tetovën me këtë të fundit që u shkarkua nga pankina rrogozhinase pas humbjes 2-1 ndaj Teutës.
I ftuar në emisionin Sport News në News 24, Duro ka folur për herë të parë si tekniku i Egnatias.
“Egnatia– Nuk ishte e vështirë të pranoj këtë ofertë. Ishte diçka e shpejtë. Siç është marrë vesh pas ndeshjes dje, është larguar trajneri. Unë kam patur një takim. Egnatia është një klub që dihet tashmë se çfarë skuadre.
Europa-Nuk më kanë kërkuar, por objektivat i kaën paraqitur në fillim të kampionatit. Unë do bëj punën time, do jap maksimumin tim. Unë do jap gjithccka për të shpërblyer besimin e dhënë.
Grupi dhe synimet– Një trajner është mirë ta fillojë punën nga fillimi. Trajneri jo gjithmonë shkon aty në momentin e duhur. Unë Laçin e kam marrë 2 herë në këto situata. Padyshim se ka lojtar që i kam stërvitur unë. Është mirë kur ka një grup lojtarësh që i njeh” – Tha ai.
