Në kuadër të 78 vjetorit të Çlirimit të Vlorës, po zhvillohet ceremonia përkujtimore në Varrezat e Dëshmorëve.
Këtë vit vërehen mungesa të mëdha në ceremoni, pasi pjesmarrës janë vetëm 3 deputetë nga Partia Socialiste.
Kryetari i Bashkisë Vlorë, Dritan Leli u shpreh se sot është një ditë reflektimi në kujtim të dëshmorëve të kombit. I pyetur mbi lajmin për thirrjen e tij në SPAK, ai e mohoi duke shprehur se ka pasur një takim në Athinë.
“Është gjithmonë ajo dita që ka emocionin e veçantë që pesha e historisë u transmeton të gjithë atyre që vijnë këtu, që përballen me varret e atyre që dhanë jetën, më të shtrenjtën gjë në themelet e shtetit shqiptar. Sot dhe çdo ditë tjetër është refleksion për dëshmorët e kombit. I paharruar kujtimi i tyre. Nuk kam qenë në SPAK dhe nuk besoj se është momenti për të folur për këtë gjë. Kam qenë në Greqi, në një axhendë takimesh, mikëpritje e veçantë nga kryetari i Athinës dhe disa ministra me të cilët pata nderin të komunikoj”-tha Leli.
