Skandalet me përdhunimet kanë tronditur Greqinë në 10 ditët e fundit, teksa çdo gjë kulmoi me denoncimin për shfrytëzimin për prostitucion të një 12-vjeçare nga 53-vjecari Ilias Michos.
Por ditën e sotme është publikuar një tjetër skandal që prek edhe Policinë e Athinës, pasi një 19-vjeçare ka denoncuar se është viktimë e përdhunimit nga dy punonjës policie të Grupit DIAS në Komisariatin e Omonias.
Përdhunimi raportohet se ka ndodhur mëngjesin e djeshëm brenda komisariatit dhe sipas dëshmisë së vajzës, dy policët e çuan në një dhomë dhe abuzuan me të.
Ngjarja tronditëse dhe e cilësuar tejet e rëndë po hetohet nga oficerët e shërbimit të Brendshëm.
Ndërkohë, policia ka tentuar të mbrohet duke pretenduar e ajo që ka ndodhur është bërë me pëlqimin e 19-vjeçares.
Konkretisht, pas përfundimit të turnit të tyre, ajo është paraqitur vetë në komisariat dhe një nga punonjësit e policisë ka lënë takim me të.
E teksa ata po shkonin në shtëpi me makinën e tyre, akti seksual ka ndodhur brenda automjetit me një nga efektivët e policisë. Në fakt, dy efektivët sipas policisë mbështeten në provat nga kamerat.
