Pasi dhanë deklaratën në polici, janë lënë të lirë Fatmir dhe Besnik Mjeshtri, dy vëllezërit e autorit të “masakrës” së Klosit, konflikti i cili degjeneroi në përdorimin e armës ku mbetën të vrarë babë e bir.
Dy vëllezërit e autorit të masakrës që u vetëvra pas ngjarjes së djeshme, kanë qenë të pranishëm në të njëjtën tavolinë me me të plagosurit rëndë, Renato dhe Englantin Hasulan dhe ku më pas shkuan edhe dy viktimat Kenado Shira dhe Liri Shira.
Mësohet se dy të miturit përkatësisht Kenado dhe Renado, njiheshin me vajzën e Fiqiriut, e mitur, e cila pretendon se përndiqej kryesisht përmes rrjeteve sociale. Në korrik vajzës iu vodhën dy adresa Instagrami, fillimisht nga Kenado, i cili e ka shantazhuar dhe kërcënuar se do ti bënin publike të gjitha pamjet dhe fotot që kishte në bisedat e rrjetit social.
Në kafenenë ku janë takuar ka nisur debati, duke përfunduar në të shtëna me armë zjarri. 7 herë është shkrepur arma e zjarrit pasditen e djeshme nga Fiqiri Mjeshtri, një prej plumbave dhe të fundit vetes.
