Ka përfunduar me një bilanc tragjik konflikt mes dy familjeve në qytetin e Klosit. 3 persona kanë mbetur të vdekur dhe dy të tjerë janë plagosur me armë zjarri.
Ngjarja e rëndë u regjistrua rreth orës 14:00 në qendër të qytetit të Klosit.
Dyshohet se shkak i konfliktit që çoi në 3 të vrarë dhe 2 të plagosur mund të jetë bërë një vajzë.
17-vjeçari Kenado Shira, i cili mbeti i vrarë nga plumbat e kallashnikovit të Fiqiri Mjeshtrit, dyshohet se ngacmonte me mesazhe në rrjetet sociale vajzën e këtij të fundit, gjë që 39-vjeçari nuk e pranonte.
Mjeshtri i shoqëruar nga dy kushërinj ka shkuar të sqarohet me të riun dhe babanë e tij, por situata ka dalë jashtë kontrollit me përdorimin e armëve të zjarrit.
17-vjeçari Kenado Shira mbeti i vdekur në vend ndërsa babai i tij, Ilir Shira, 46 vjeç ndërroi jetë në spital.
Të plagosur në vendngjarje mbetën shtetasit Eglantin, e Renato Hasula, 39 dhe 17 vjeç.
Këta të fundit janë dërguar në spitalin e traumës në Tiranë në gjendje të rëndë. Eglantin Hasula ndodhet në gjendje kritike për jetën pas plagëve të marra.
