Ndeshja e Kupës së Shqipërisë mes Dinamos dhe Butrintit që do të zhvillohej ditën e sotme nuk do të luhet.
Klubi sarandiot nuk ka mundur të udhëtojë për në kryeqytet si pasojë e mungesës së lojtarëve. Po ashtu klubi ka thënë se është edhe distanca ku duket se buxheti për të përballuar një transfertë të tillë mungon.
Kujtojmë se në ndeshjen e parë në Sarandë ndaj Butrintit, Dinamo fitoi minimalisht me rezultatin 0-1 falë golit të Diogo Da Silva. Në këtë formë, Dinamo kalon automatikisht në raundin tjetër të Kupës aty ku pret fituesen e çiftit Kastrioti-Vora.
