Ish-portieri legjendar i Real Madrid, Iker Casillas ka habitur jo pak me deklaratën më të fundit. Spanjolli deklaron publikisht se është gay ndërsa ka marrë menjëherë mbështetjen edhe të një legjende si Carles Puyol i cili thekson se ka ardhur koha që ish-gardiani të tregojë historinë e jetës së tij.
Një lajm sensacional pa diskutim duke qenë se më herët Casillas ishte edhe i lidhur me gazetaren e famshme, Sara Carbonero, por që u nda disa kohë më parë. Vitin e shkuar çifti u divorcua pas vitesh martesë, me Casillas që asnjëherë nuk tregoi arsyen e ndarjes.
Reagimi i fundit i Casillas nuk është pritur mirë nga tifozët, teksa në rrjetet sociale janë shprehur se profili i tij mund të jetë hackuar.
