Ura në ngushticën e Kerçit, e cila lidh gadishullin e Krimesë me Rusinë dhe Ukrainën, e që u aneksua nga forcat e Vladimir Putin në 2014 është shkatërruar rreth orës 06:00 të mëngjesit të sotëm.
Është ende e paqartë nëse kemi të bëjmë me një sulm ukrainas mbi tubacionet e gazit që përshkonin gjatësinë e urës, pasi njëri prej tyre shpërtheu duke rrëzuar në det të gjitha trasenë e urës.
Kjo urë që bënte të mundur transportin e automjeteve u inaugurua nga Putin në maj të 2018-ës dhe për ukrainasit u shndërrua nga shkurti në simbol të luftës, pasi bënte furnizimin me mallra, ushqim dhe armë të ushtrisë ruse në jug të vendit.
Pasi lajmi për shpërthimin e fuqishëm në urë u përhap me shpejtësi, këshilltari presidencial ukrainas, Mykhailo Podolyka tha në një postim në Twitter se “ky është vetëm fillimi”.
“Krime, ura, fillimi. Çdo gjë e paligjshme duhet të shkatërrohet, gjithçka e vjedhur duhet të kthehet në Ukrainë, gjithçka e pushtuar nga Rusia duhet të dëbohet”, shkroi ai.
Ndërkohë mediat kanë publikuar edhe pamjet nga momenti kur ndodh shpërthimi, të marra nga kamerat e sigurisë.
Gjithçka ka ndodhur në orën 06:02 minuta, ndërsa mbi urë ka trafik si normalisht dhe krejt papritur kamiona e makina hidhen në era nga forca e shpërthimit.
