Një 51-vjeçar mësohet se është drejtuesi i kamionit me eksploziv që shpërtheu në orët e para të së shtunës në urën e Krimesë.
Media ukrainase Tpyxa raporton se ai quhet Makhir Yusubov Ai punonte si shofer kamioni dhe ishte vazhdimisht në lëvizje brenda rajonit të Krasnodarit, në lindje të Krimesë.
51-vjeçari ka kontaktuar për herë të fundit me familjen dy ditë më parë. Me interes është informacioni se udhëtimi për në urë është dashur të zgjasë gjysmë ore, por për arsye të panjohura atij iu deshën gjashtë orë.
Sulmi vrau shoferin dhe një çift në një makinë që lëvizte pranë kamionit. Por deri më tani raportimet për drejtuesin dhe pronarin e mjetit janë konfuze.
Media ruse Baza publikoi video në të cilën një burrë thotë se është pronari i kamionit.
Ai quhet Samir Yusubov dhe pohon se nuk ka asnjë lidhje me sulmin. Ai shton se xhaxhai i tij është duke punuar në një kamion në pronësi të Samir.
