Ballkani nuk ndalet në transfertë ndaj klubit turk Sivasspor. Skuadra e drejtuar nga Ilir Daja u shokua që në minutën e parë të takimit, teksa vendasit kaluan në avantazh por më pas janë përgjigjur më së miri.
“Dardanët” barazuan fillimisht në minutën e 20-të me anë të Armend Thaqit, ndërsa përmbysi rezultatin në minutën e 31-të me një aksion të shpejtë në të majtën, ku konkretizoi me gol Poteku.
Ndërkohë në minutën e 66-të të pjesës së dytë, Ballkani thellon shifrat në 1-3. Thaqi pason për Korenicën i cili me një diagonale të fortë çon topin në rrjetë.
