Të arrestuarit e operacionit “Porositësit” janë ata që kanë dalë ditën e sotme para gjykatës së Durrësit për t’u njohur me masat e sigurisë.
14 personat e ndaluar pasi u vunë në pranga dy vëllezërit Indrit dhe Gentjan Beqiraj dyshohet se janë pjesë e një grupi të mire organizuar killerash, të përfshirë në një sërë atentatesh dhe vrasjesh me pagesë.
Pasi vendosi masën “burg pa afat” ndaj dy vëllezërve, Gjykata caktoi të njëjtën masë për punonjësin e policisë së burgjeve Flamur Bejko, i cili rezulton sipas dëshmisë se i ka paguar ata 3500 euro paraprakisht për të organizuar vrasjen e dy personave, të cilët e kishin dhunuar më parë.
Ndërkohë, masa e sigurisë “burg me afat për 45 ditë” u vendos për 10 nga të arrestuarit e tjerë.
Sa i përket 39-vjeçarit Fatjon Hajdari që u arrestua në shtëpinë e tij së bashku me të vëllanë, Alban Hajdari, gjykata vendosi që ta lirojë nga qelia.
MASAT E CAKTUARA:
“Burg pa afat”
Indrit Beqiraj, 32 vjeç banues në Durrës
Gentian Beqiraj, 39 vjeç banues në Durrës
Flamur Bejko, 52 vjeç, banues në Durrës
Burg me afat 45 ditë:
Armand Dalipi (Daka), 43 vjeç, banues në Durrës
Pëllumb Hoxha, 52 vjeç, banues në Fushë Krujë
Idajet Hoxha, 42 vjeç, banues në Bulqizë
Fatjon Myrta, 52 vjeç, banues në Sukth
Blerim Elezi, 51 vjeç, banues në Tiranë
Kujtim Daliallisi, 64 vjeç, banues në Shijak
Gentian Sheshi, 50 vjeç, banues në Durrës
Alban Hajdari, 38 vjeç, banues në Durrës
Armando Lama, 32 vjeç, banues në Durrës
Altin Celmani, 43 vjeç, banues në Tiranë
Për Ilirjan Feçin, i arrestuar më herët në kuadër të operacionit “Golden Bullet”, u referuan materialet shtesë në Prokurori.
