Këngëtari Valon Shehu është një ndër konkurrentët e spektaklit të kërcimit “Dance Albania”. Në puntatën e kaluar, gjatë preformancës së këngëtarit ndodhi një incident i papritur me partneren e tij.
Valoni i frikësoi për një moment anëtarët e jurisë kur artisti humbi baraspeshën dhe për pak sa nuk rrezikoi jetën e balerinës e cila ishte ndjerë gjithashtu e frikësuar.
Përgjatë klipit çifti po komentonin incidentin e ndodhur dhe partnerja e Valonit u shpreh se ishte nëqoftëse do të rrëzohej do të kishte qenë fatale për të pasi mund të rrezikonte të thyente shtyllën kurrizore.
“Më krijohet një gjendje shumë e keqe, rrezikova të thyeja shtyllën kurrizore. Në atë moment thjesht mendova që rashë. Do ishte shumë fatale për mua. Nuk dua ta mendoj fare se çfarë do më ndodhte”, ka thënë balerina Marjana.
Ndërsa Valoni pranon përgjegjësinë dhe ia lë fajin alkoolit.
“Ndodhi se s’kam qenë në formën time më të mirë. Ndoshta dhe alkooli pak që kam pirë një gotë të dytë, mendoj që ka qenë moskorrekte ime ndaj provave”, shprehet Valoni.
