Vetëm 48 orë pasi rrëfyen disa ngjarje të rënda kriminale në vend siç ishte masakra e Don Boskos, ku mbeti i vdekur Erion Çela dhe u plagosën 4 qytetarë të pafajshëm teksa konsumonin kafe, vëllezërit Indrit dhe Gentian Beqiraj kërkojnë statusin e të penduarit të drejtësisë.
Mësohet se dy vëllezërit që “u zbërthyen” para hetuesve duke treguar se u ishte kërkuar të ekzekutonin “Rrumin” e Shijakut, (Aleksandër Laho alias Pëllumb Muharremi) të vetmen kërkesë që kanë për organet shtetërore, është ajo për ruajtjen e familjes së tyre.
Indrit dhe Gentian kërkojnë që familja t’u merret në mbrojtje dhe ata do të bashkëpunojnë për të zbardhur disa porosi për vrasje me pagesë.
Dyshohet se në listën me urdhërat për ekzekutim që Beqirajt kishin nuk gjendje vetëm emri i “Rrumit” por edhe njerëz të tjerë të rëndësishëm, që pritej të eliminoheshin.
Po ashtu News24 raporton se dy vëllezërit do i bënin një favor një grupi tjetër shumë të fuqishëm ekonomikisht si dhe me përgatitje ushtarake të lartë.
