Aktorja e njohur e humorit, Delinda Disha ndau disa muaj më parë lajmin e trishtë se ka humbur dy binjakët e saj.
Së fundmi aktorja ka realizuar intervistën e saj të parë pas ngjarjes së trishtë dhe tha se ajo dhe bashkëshorti i saj i dëshironin shumë, por kjo gjë zgjati vetëm tre muaj. Gjithashtu Delinda tha se nuk e ka pasur aspak të lehtë ta kalojë këtë periudhë, por kanë qenë familja e saj ata që e kanë ndihmuar.
“Ne i dëshironim shumë ose e dëshironim shumë një fëmijë të dytë, ta zgjeronim familjen tonë, dhe nuk ishte një ishin dy. Por fatkeqësisht kjo gjë nuk ndodhi dhe zgjati shumë pak, vetëm tre muaj. Është dashur mbi një muaj që të marr veten, por nëse do ta përshkruaj me fjalë taman, e kam ngrënë veten me dhëmbë në sensin e mirë të fjalës. Kur shikoja Dasantinin që rritej çdo ditë, që edhe ai më jepte suport, Eldo në mënyrë të padiskutueshme, familja ime, dhe ja ku jam sot. Më kanë bërë përshtypje mesazhet pafund që më vinin, nuk isha e vetmja që e kisha kaluar këtë gjë”– tha Delinda.
