Deputeti demokrat Ervin Salianji është shprehur se ekziston një rrezik që sulmi kibernetik mund të jetë bërë edhe për të hequr persona të caktuar nga sistemi TIMS.
I ftuar në “Ora e Betit” , Salianji theksoi se një gjë e tillë ka sjellë një dëm shumë të madh dhe theksoi se vendet e rajonit e kanë problem që Shqipëria nuk jep inflamacione për ta.
“Në dijeni time, pretendohet se të dhënat mund të rikthehen. Ekziston ky rrezik që mund të jetë një sulm i ndodhur nga brenda për të fshirë elementë të caktuar në TIMS lidhur me persona të caktuar me precedentë penalë. Një gjë e tillë ka ndodhur më dikë. Nëse është bërë me qëllim apo, pasojat i ke bërë sikur të jetë bërë me qëllim. Edhe vendet e rajonit e kanë problem që ne si vend nuk japim informacione në kohën e duhur për kriminelë të tjerë. Policia thotë se nuk janë të dhëna, por janë montime, por mos i publikoni, por nëse janë montime çfarë shqetësimi ka qeveria që të mos publikohen?! ”, ka thënë Salianji.
