Përmirësimi i minimumit jetik në vend është një nga nismat më të reja të ndërmmarra nga Organizata Politike.
Në një deklaratë të postuar në murin e tyre në Facebook, kjo rganizatë bën thirrje për t’iu bashkuar nismës me qëllim mbledhjen e 20 mijë formave dhe detyrimin e qeverisë për të përmbushur kërkesat më minimale të popullit, kërkesa këto të lënë pas dore nga çdo politikanë.
Deklarata
NESËR NIS FUSHATA PËR MINIMUMIN JETIK
Të nderuar bashkëqytetarë! Nesër do të nisë procesi zyrtar i mbledhjes së mbi 20.000 firmave për të shtrënguar Kuvendin e Shqipërisë që të marrë në shqyrtim projektligjin e minimumit jetik. Minimumi jetik është e drejta sociale më bazike, e premtuar politikan pas politikani dhe e nëpërkëmbur qeveri pas qeverie. Prandaj kemi vendosur t’u imponohemi institucioneve të papërgjegjshme përmes presionit qytetar, duke marrë këtë iniciativë ligjore nga poshtë.
Përmes njohjes me ligj të minimumit jetik dhe llogaritjes së drejtë të tij, do të përfitonin drejtpërdrejt qindra mijëra qytetarë – për shkak të ndikimit të tij në nivelin e pensioneve, pagës minimale, ndihmës ekonomike, asistencës së papunësisë etj. Po prej tij do të ndikohej indirekt shumica dërrmuese e popullsisë, që jeton prej punës dhe sipërmarrjes së vet të ndershme.
Ne, aktivistët e Organizatës Politike, do të jemi nesër prej orës 10:00 në shtatë pika të qytetit të Tiranës:
Rruga e Drejtorisë së Policisë; qendra Don Bosko ; ish-këndi i lojërave 7 Xhuxhat; Farmacia 10; Stacioni i autobusëve pas 15-Katëshit; Bulevardi i Yzberishtit dhe hyrja e Universitetit Bujqësor.
Ju ftojmë të gjithëve që të firmosni formularin dhe të angazhoheni në këtë fushatë, e cila përmes përkrahjes tuaj mund të kthehet në model demokracie pjesëmarrëse.
BASHKË PËR MINIMUMIN JETIK!
