Komisioni i Reformës Territoriale ditën e sotme ka vijuar me diskutime mbi raportin ndërsa përfaqësues dhe mbështetës të Enkelejd Alibeajt kanë dhënë rekomandimet e tyre. Specialisti i PD-së, Agron Haxhimali ka kërkuar të hiqet emri qark ndërsa theksoi më tej se Shqipërisë i duhet një ligj, i cili duhet të garantojë mbajtjen e referendumeve lokale.
“Rekomandojmë te kemi 6 rajone, dhe te hiqet emri qark. Shqipërisë i duhet ligji për referendume lokale”, tha ai.
Mbështetësit e Enkelejd Alibeaj, kanë bërë të ditur se do të propozojë rritjen e numrit të bashkive nga 61 në 92 bashki dhe uljen e numrit të qarqeve në 6 rajone.
Ndërsa mbështetësit e Sali Berishës kanë kërkuar 95 bashki dhe 5 rajone. Aktualisht Shqipëria numëron 12 qarqe dhe 61 bashki.
Propozimet e grupit të Alibeajt:
Nga 61 bashki që është sot, të bëhen 94 bashki;
Të ulet nga 75 mijë në 50 mijë numri i banorëve për njësi vendore;
Të ulet nga 471 km2 në 315 km2 sipërfaqja mesatare për njësi vendore;
Të rritet nga 61 kryetarë në 94 kryetarë numri i të zgjedhurve vendorë. Numri i këshilltarëve të rritet nga 1607 në 2114;
Numri i bashkive për qark të rritet nga 5.1 bashki, në 7.4 bashki.
