Njëzet kilogramë kokainë e pastër u sekuestrua nga agjentët e Guardia di Finanza në Foggia.
Droga i është gjetur një korrieri 40-vjeçar nga Shqipëria, i cili u arrestua gjatë një shërbimi të kontrollit ekonomik të territorit për të luftuar trafikun e paligjshëm.
Kur patrulla e Fiamme Gialle urdhëroi ndalimin e një makine me targa gjermane menjëherë pas daljes nga autostrada në Foggia, shoferi filloi të shfaqte shenja nervozizmi dhe u përhumb duke kthyer përgjigje që binin në kundërshtim me të parat gjatë pyetjeve.
Duke parë reagimin e shqiptarit, një kontroll i imtësishëm me qen antidrogë iu bë mjetit duke gjetur një vend të fshehtë në bagazh me sistem hapjeje me telekomandë, brenda të cilit fshiheshin blloqet e kokainës.
Nëse dilte në treg, droga do të arrinte përfitime deri në 4 milionë euro.
