Deputeti i Partisë Demokratike, Flamur Noka tregoi për mediat se çfarë u diskutua në Komisionin me dyer të mbyllura të Sigurisë.
Noka deklaroi se shqiptarët janë gënjyer prej një kohe shumë të gjatë, pasi vetë drejtuesit e SHISH konfirmuan se sistemet TIMS dhe MEMEX janë hackeruar. Po ashtu, Noka theksoi se hackerat qeveritarë kanë ndërhyrë për të asgjësuar të dhëna.
“E gjitha rrotullohej rreth faktit se Shqiptarët nuk duhet të informohen rreth situatës kibernetike. Drejtori i komanduar i shërbimit nuk tha asgjë, të gjitha u konfirmuan se sistemet janë hackeruar prej 14 muajsh. U konfirmua fakti se është hakeruar sistemi TIMS dhe MEMEX. U konfirmua se hackerat jo vetëm të Iranit por rus dhe serb sulmojnë dhe kanë në kontroll të dhënat. Këto nuk mund ti kenë vetëm shqiptarët ndërsa armikët e këtij vendi i kanë të gjitha. Shqiptarët janë mashtruar, ka dhe sisteme dhe ku janë fshirë. E gjitha rrotullohet rreth faktit se shqiptarët nuk duhet të informohen dhe nuk duhet të kenë transparencë sa i përket cënimit të sigurisë kombëtare”- u shpreh Noka.
Ditën e sotme, seanca dëgjimore me SHISH lidhur me sulmin kibernetik ndaj sistemit TIMS, u zhvillua pa prezencën e kamerave.
