Pjesëmarrja në 1/16 e Champions League ishte një arritje mbresëlënëse për ekipin e Vllaznisë në futboll për femra, me vajzat shkodrane që ia dolën të ngjiten në elitën e Europës.
Por shorti i hedhur në Nion të Zvicrës për ndarjen në grupe nuk i ka buzëqeshur aspak kuqebluve, teksa do të sfidojnë ekipe legjendare si Chelsea, Paris dhe Real Madrid.
Ky është grupi A dhe fati që kanë rezervuar goglat në shortin e hedhur para pak minutash, duke nxjerrë vajzat shkodrane në grupin e “Ferritt” përballë 3 prej klubeve më të mëdha të futbollit botëror.
Ndeshjet e para do të luhen me 19 -20 Tetor. Kualifikimi i Vllaznisë për herë të parë në këtë raund, u përshëndet edhe gjatë ceremonisë së shortit pasi është i vetmi ekip që përfaqëson jo vetëm Shqipërinë, por edhe Ballkanin.
