Eksperti i rrjeteve kompjuterike, Erion Demiri ka folur për sulmet kibernetike që ka hasur vendi ynë kohët e fundit.
Në një lidhje ‘Skype’ me emisionin ‘Open’ ai tha se mund të kemi rrjedhje të dhënash, por edhe ndryshim të dhënash.
“Të gjitha të dhënat që janë marrë dhe që merren vazhdimisht, kalojnë në një skedë, pra ata e kanë një skedë se çfarë janë duke bërë. Një herë që ne e morëm vesh, e morëm vesh në momentin që ata na u shfaqën në kompjuterat tanë. Vendosën ata të shfaqen dhe kur u shfaqën e kishin mbaruar punën që kishin ndërmend të bënin. Kemi dy gjera, kemi rrjedhje të dhënash, por mund të ketë dhe ndryshim dhe këtë mund ta thonë vetëm institucionet”, tha ai.
