Policia e Dibrës ka vënë në pranga një 42-vjeçar, i cili është bërë motivi përse vajza e tij ka tentuar të kryejë vetëvrasje.
Në njoftimin e policisë sqarohet se kryefamiljari ka dhunuar fizikisht dhe psikologjikisht bashkëshorten e tij, por edhe të bijën.
Kjo e fundit në kushte të rënduara psikologjike pas skenave të dhunës në familje ka konsumuar mbidozë medikamentesh mjekësore.
“Specialistët e Hetimit të Krimit të Postës së Policisë Maqellarë arrestuan në flagrancë shtetasin H.R, 42 vjeç, banues në Maqellarë, pasi në periudha të ndryshme kohore ka ushtruar dhunë psikologjike dhe fizike ndaj bashkëshortes së tij. Gjithashtu ky shtetas ka ushtruar dhunë psikologjike dhe ndaj vajzës së tij të mitur e cila si pasojë ka konsumuar mbidozë medikamentesh mjekësore”, njoftojnë Uniformat Blu.
