Pavarësisht se është vetëm 9 vjeç, duket se Princi George, i biri i William dhe nipi i Mbretit Charles III e ka mëse të qartë se cilës familje i përket dhe duket se dëshiron t’i sigurojë edhe bashkëmoshatarët e tij për këtë.
Sipas shkrimtares Katie Nicholl, e cila qëndron shumë pranë familjes mbretërore, djali i madh i Princit William dhe Kate Middleton u tha shokëve të klasës pas një debati se më mirë të bënin kujdes sepse babai i tij një ditë do të bëhet Mbreti i Britanisë së Madhe.
George e kupton që një ditë edhe ai do të bëhet mbret duke qenë se është trashëgimtari i radhës pas babit të tij.
“Për shkak se ai është një djalë i vogël, gjatë lojës ai u përlesh me miqtë e tij në shkollë dhe më pas tha të pabesueshmen: “Babai im do të bëhet mbret, kështu që më mirë ki kujdes”, pohoi Katie në librin e saj “The New Royals”.
Një ekspert mbretëror ka pohuar se Princi dhe Princesha e Uellsit, të cilëve iu dhanë titujt e rinj mbretërorë pas vdekjes së Mbretëreshës Elizabeth II, po rritin tre fëmijët e tyre me një botëkuptim që i bën ta kenë të qartë rolin e tyre në rendin monarkik.
“Ata po i rrisin fëmijët e tyre, veçanërisht Princin George, me një vetëdije se kush është dhe roli që do të trashëgojë, por nuk duan t’i ngarkojnë me ndjenjën e detyrës”, argumentoi Katie më tej në librin e saj.
Nipi më i madh i mbretit Charles III dhe nusja e tij thuhet se i kanë komunikuar George se ai do të bëhet Mbret i Anglisë diku rreth ditëlindjes së tij të shtatë, megjithëse nuk është një detaj që ai e ka zbuluar publikisht.
