Financimi nga Rusia dhe përfshirja e Partisë Demokratike në një skandal të tillë duket të jetë diçka e pafalshme për Lulzim Bashën.
Pas kreut të selisë blu, që pak ditë më parë nga mbledhja e Kryesisë dhe Këshillit Kombëtar ia la “topin” në fushë paraardhësit si përgjegjësin kryesor për këtë çështje dhe përfituesin e vetëm, vënia para përgjegjësisë për Bashën është bërë edhe nga deputeti Belind Këlliçi.
Duke qëndruar në të njëjtën linjë me ish-kryeministrin, Këlliçi e cilëson Bashën si fajtor për skandalin dhe kërkon që të gjithë emrat e përfshirë në këtë aferë të mbajnë përgjegjësi.
“Ata që i kanë lënë një njollë PD-së, duhet të largohen. Lulzim Basha rezultoi një dështim politik në drejtimin e opozitës. PD nuk mund të ketë një njollë për shkak të veprimeve të një lidershipi. Personat që kanë qenë përgjegjës të bëhen transparentë. Uroj që askush në PD të mos dalë i lidhur me këtë aferë. Personat që kanë pasur dijeni të mbajnë përgjegjësi”, tha Këlliçi në “Zona Zero”.
