Një 30-vjeçar anglez i cili e teproi me “humanizmin” në kohën kur refugjatët ukrainas iu drejtuan Europës dhe vendit ishullor për ndihmë dhe strehim pas shpërthimit të luftës, duket se është penduar për veprimet.
Tony Garnett u dashurua me Sofiia Karkadym, në momentin kur e strehoi 22-vjeçaren në banesën e tij në Jorkshaiër, në Anglinë perëndimore, pavarësisht se jetonte me bashkëshorten e tij Lornda dhe dy fëmijët e tyre.
Tony u divorcua nga bashëkshortja shumë shpejt pasi në shtëpi u fut bukuroshja bionde nga Ukraina dhe nisi bashkëjetesën me të.
Por, djaloshi me profesion roje sigurie duket se pas 4 muajsh ka kuptuar se prishja e martesës 10-vjeçare s’ishte gjëja e duhur për t’u bërë pasi ka prishur marrëdhënien me 22-vjeçaren.
Sipas DailyMail përplasjet në çiftin e ri kanë qenë të furishme, me Tony që e akuzon Soffian se nuk ishte në gjendje të kontrollonte veten kur konsumonte alkool dhe se ka sulmuar me thikë muret e shtëpisë së tyre.
Me sendet e saj tashmë në qese plehrash të zeza, gati për grumbullim, ai gjithashtu e akuzoi ukrainasen se po ndërhynte në marrëdhëniet e tij me dy vajzat e tij, duke thënë se do t’i vinte gjithmonë ato ‘të parat’.
