Ndarja e çiftit Mauro Icardi dhe Wanda Nara ishte surpriza e kësaj jave, pasi martesa 9-vjeçare që solli në jetë edhe dy vajza ishte një nga historitë më kontraverse të dashurisë.
Futbollisti argjentinas i Galatasaray ia rrëmbeu seks-bombën 36-vjeçare ish-mikut të tij Maxi Lopez, duke krijuar një treshe vullkanike që përbente lajm në çdoo grimcë të saj.
Por, Wanda duket të jetë e fiksuar pas futbollistëve dhe sidomos atyre që sapo i kanë kaluar të 20-at.
Ashtu siç bëri me Icardin, në kohën kur sulmuesi luante për Sampdorian, bukuroshja bionde raportohet se ka nisur një aventurë Martin Payero, mesfushorin 24-vjeçar të Boca Juniors.
Gazetarja Pia Shaw e bëri të ditur lajmin në programin televiziv LAM, ndërkohë që më parë aludohej se divorci me Icardin do të vinte për shkak të flirtit të Wandas me këngëtarin argjentinas L-Gante.
“Ata kaluan një mbrëmje së bashku në Afrikë. Ata qeshën, pinë dhe kërcyen së bashku”, ka rrëfyer gazetarja.
Ndërkohë, Yanina Latorre, një tjetër gazetare do të shprehej: “Për javë të tëra ka pasur një person, një njeri që nuk e njoh, i cili dëshiron të më shesë informacione për Wanda Narën dhe një tjetër futbollisti, por padyshim që unë nuk jam gati të paguaj”.
“L-Gante ishte gjithashtu i pranishëm në të njëjtën dhomë. Por Kennys Palacios, stilisti dhe miku më i mirë i Wandës, e bëri të qartë në Instagram se mes Narës dhe reperit nuk ka asnjë lidhje dashurie”, shtoi ajo.
