Policia e Durrësit ka zhvilluar një operacion antikontrabandë, të koduar si “Double” në Pikën Kufitare të Portit të Durrësit, ku u kapën pajisje elektrike, pajisje bujqësore, shishe vere dhe mallra të tjera në një automjet. Në pranga përfundoi Sh.F, 59 vjeç, banues në Fier, pasi gjatë kontrollit në makinën e tij u gjetën këto mallra që dyshohet se janë të kontrabanduara.
Po në Durrës, u procedua penalisht M. L., banuese në Durrës, pasi u konstatua nga Policia se tregtonte në dyqanin e saj rreth 1.8 kg ar të dyshuar të kontrabanduar.
Dosjet e tyre i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
