Ylli i famshëm, Paris Hilton, duket se po kalon momente të vështira pasi qeni i saj është zhdukur. Trashëgimtarja e famshme ka vënë në dispozicion një shpërblim të madh për ata që e ndihmojnë ta gjejë qenin e saj.
“Nëse keni ndonjë informacion mbi vendndodhjen e Diamond Baby ose besoni se e keni parë atë, ju lutemi kontaktoni [email protected],” shkroi Hilton.
Hilton tha se jo vetëm që do të ofrojë një shpërblim për këdo që di diçka për zhdukjen e qenit të saj, por edhe se hetimet do të ndihmohen nga një detektiv privat, së bashku me dronët.
“Unë do të bëj gjithçka në fuqinë time për ta gjetur atë”, tha më tej Paris Hilton.
